Os nenos e nenas de 6º de infantil despiden o outono

Os nenos e nenas de 6º de Infantil (5 anos), despedimos o Outono coa canción "Outono" de Uxía Lambona e a Banda Molona. 

Deixámosvos o vídeo para que vexades que ben nos quedou!!

Excursión de 1º e 2º a Chantada

O venres os nenos e nenas de 1º e 2º de primaria, fomos de excursión a Chantada a visitar a Anxo Moure.

Alí, en plena natureza desfrutamos moito do que se atopaba ao noso arredor e sobre todo fixemos moitas actividades con el:

Escoitamos un conto na casa da árbore

Fixemos Land Art 

Ensinounos o nome das árbores

Xogamos no parque que ten na natureza

Visitamos o "Cinema Palleiriso"

En definitiva estivemos en contacto coa natureza e por iso llo agradecemos cuns abrazos fermosísimos ás árbores que alí había.

Pasámolo xenial!!

Magosto 2019

O martes 19, celebramos no cole o MAGOSTO, que este ano polo tempo non puido ser no patio do cole. Aínda así o tempo non foi capaz de que deixáramos de pasalo xenial!!!

Primeiro os nenos de infantil fixemos xogos tradicionais no pavillón. Que ben o pasamos!!

 E pola tarde tocounos aos maiores que xogamos por quendas a seis xogos tradicionais:

A CORDA

O PANO

OS AROS MUSICAIS

O BRILÉ

O TIRASOGA

O TÚNEL POR RELEVOS

E despois de tanto xogar e pasalo super ben, chegou a hora de desfrutar dun chocolate quente boísimo con biscoitos e castañas.

Que rico estaba todo!!

O corazón está do teu lado

Fai uns días, os alumnos e alumnas de 1º e 2º tivemos unha visita. Veunos visitar Latexo que tiña unha cousa super importante que contarnos.

Coma todos sabemos, o corazón está do noso lado esquerdo e resulta que cando non hai beirarrúas é por onde hai que camiñar. 

Non vos parece interesante? 

Nos non o sabiamos e agora seremos mellores peóns grazas a latexo.

Grazas por visitarnos latexo e ensinarnos tantas cousas!!

Concerto da Escola de Música Moderna de Monforte

Fai uns días, foi un día xenial, porque tivemos no cole a oportunidade de escoitar un concerto ben divertido que nos viñeron ofrecer os mestres e mestras da Escola de Música Moderna de Monforte.

Escoitamos varios temas de diferentes estilos e tiñamos que adiviñalos. E por último como pedimos que nos tocaran outra, improvisaron no momento unha canción nova. Como vedes... ENCANTOUNOS!!!

PASÁMOLO XENIAL!!

Contacontos Consorcio Editorial - O BIGOTE DE MIMÍ - CEIP A Gándara

Día da familia